С просьбой о молитве

Архимандрит Иосиф (Братищев)ДОРОГИЕ БРАТЬЯ И СЕСТРЫ!

Наместник Спасо-Преображенского Соловецкого ставропигиального мужского монастыря архимандрит Иосиф (Братищев) тяжело болен. Верующие-соловчане договорились о совершении соборной молитвы о здравии архимандрита Иосифа и ровно в 22 часа по московскому времени ежедневно прочитывают тропарь, кондак и молитву «О болящих». Мы обращаемся ко всем православным братьям и сестрам с призывом присоединиться к соборной молитве о здравии тяжко болящего отца наместника.

Тропарь, глас 4

Скорый в заступлении един сый, Христе, скорое свыше покажи посещение страждущему рабу Твоему, и избави от недуг и горьких болезней; и воздвигни во еже пети Тя и славити непрестанно, молитвами Богородицы, Едине Человеколюбче.

Кондак, глас 2

На одре болезни лежащаго и смертною раною уязвленнаго, якоже иногда воздвигл еси, Спасе, Петрову тещу и разслабленнаго на одре носимаго; сице и ныне, Милосерде, страждущаго посети и исцели: Ты бо един еси недуги и болезни рода нашего понесый и вся могий, яко Многомилостив.

Молитва

Владыко, Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя скорби исправляяй, молимся Тебе, Боже наш, раба Твоего архимандрита Иосифа немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе ниспосли, приклонися телеси, угаси огневицу, укроти страсть и всякую немощь таящуюся, буди врач раба Твоего архимандрита Иосифа, воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков.

Аминь.

Версия для печати